ليبيانا نتlibyananet

libyananet

هو منتج يمكن  عن طريقه الاتصال- بالانترنت  وإرسال و استقبال الرسائل القصيرة عن طريق برنامج تشغيل يتم تحميله في جهاز الكومبيوتر وستطرح ليبيانا هذا المنتج في شكل باقتين:

أعمال.***و شخصي

تتكون كل باقة من

*كرت هاتف بيانات(Data sim card) يمكن عن طريقه استخدام الانترنت وإرسال واستقبال الرسائل القصيرة.

*جهاز ي واس بي مودم USB Modem))

مواصفات باقة ليبيانا نت أعمال

تستهدف هذه الباقة فئة المشتركين من رجال الأعمال,حيث سيكون حجم الحصة الشهرية أكبر وبالتالي أغلى سعرا من باقة ليبيانا نت شخصي

تصل سرعة الانترنت 3.6 ميجابيت/ التانيه

خدمة انترنت باشتراك شهري وعند استخدام كل الجيجابايت التى تحتويها باقة الانترنت التى تم الاشتراك فيها يتم احتساب تكلفة استخدام الانترنت بالسعر العادي وهو حاليا/0.20 .ل لكل 1 ميجابيت

*خدمة الرسائل النصية SMS

*جهز مودم ليبيانانت يعمل مع بطاقات كروت هاتف ليبيانا ((Data Sim Card الصادرة من ليبيانا ولا يمكن استخدامه مع أي كروت هاتف صادره من

أي مشغل آخر .

*يمكن إضافة ذاكره من نوع (Micro SD) إلى جهاز اليو ا سبي مودم  واستعماله كذاكره محمولة

مواصفات باقة ليبيانا نت ( شخصي )

تستهدف هذه الباقة فئة المشتركين العاديين حيت سيكون حجم الحصة الشهرية اقل وبالتالي ارخص من باقة ليبيانا أعمال

تصل سرعة الانترنت إلى 3.6 ميجابيت\بالتانيه

خدمة انترنت باشتراك شهري وعند استخدام كل الجيجابايت التي تحتويها باقة الانترنت التي تم الاشتراك فيها يتم احتساب تكلفة استخدام الانترنت بالسعر العادي وهو 0.20 د.ل \ لكل ميجابايت .

خدمة الرسائل النصية SMS

جهاز مودم ليبيانا نت يعمل مع بطاقات كروت هاتف  البيانات (Data Sim Card) الصادرة من ليبيانا ولا يمكن استخدامه مع أي كروت هاتف صادره من أي مشغل آخر

يمكن إضافة ذاكره من نوع (Micro SD) إلى جهاز اليو  سبي مودم واستعماله كذاكره محمولة.

في حالة انتهاء الشهر الحالي ووجود رصيد لدى المشترك يتم تجديد الاشتراك الشهري تلقائيا مالم يقم  المشترك بإلغائه

المصدر خاص

40 responses to “ليبيانا نتlibyananet

  1. تنكس عبسي ونزيد معلومات اكيده انه ينطلق الخدمه في هذا المنتج في شهر 9 /2009 وان سعره 150 دينار للإشتراك و10دينار شهريا لتحصل علي 5 جيجابايت هذا نوع باقه شخصي اما باقه اعمال فأنه بي 15 دينار شهريا لتحصل علي 10جيجابايت
    وان شاء الله يـــــــــــــارب يكــــــــون سريع كيف مايقولـــــــــو
    والســــ عليكم ـــلام ورحـــــــ اللله ــــمه وبركاته

  2. تنبيه: ليبيانا نت libyananet·

  3. ثمة ملاحظة مهمة وهى ان الجهاز يعمل بتقنية الوايرلس و الموجات الكهرومغناطيسية وهذة لها تأثير ضار جدا على الدماغ ووظائف الجسم بشكل عام
    نطلب رد من شركة ليبيانا وشركة ليبيا للاتصالات التى تبنت نفس التقنية فى اجهزة الواى ماكس ونأمل الا يكون الهدف هو مجرد الربح فقط دون الالتفات الى صحة المواطن كما عودتنا هذه الشركات

  4. ابعدو ليبيانا من رؤوسكم .. والله حد ..
    اتخيل الحصة الشهرية للداونلود 1 جيجا وبعدين تقعد تبزي في الفلوس 1 ميحا بـ 5 قروش ، واربط مصرف في جرتك ، علما ان عندي دي اس ال ، والله عندي مشكلة في مسألة الرصيد رغم انه 7 جيجا..
    احسن حاجة اديرها .. وقف الصور والفيديو في التصفح ، وقف تطوير الويندوز ، وقف تطوير الآنتي فيروس ،وقف أي برنامج ممكن يربط مع النت ، تصفح بدون صور .. في هالحالة ليبيانا يمشي معاك 100% غير هكي هني روحك

  5. السلام عليكم اخونى كيف حالكم رمضان كريم عليكم انشاءالله
    لو سمحتو قولولى كيف نظام الانترنت ليبيانا ومن اين يمكن الحصول عليه وهل يمكن استخدامه فى الارياف
    وشكرا

  6. لسبيانا ضعيفة جدا أصلا نأخد الواي ماكس خير من الليبيانا الواي ماكس 10 جيجا لكن العبيطة ليبيانا 1 جيجا في الشهر الشخصي متسدش حتى خمسة أيام ناخد الدايل أب خير من ليبيانا أخوكم مجهول السلام عليكم ورحمة الله وبركته

  7. الله يلعنهم شركة نصابة شريتها ب 335 خدمت بها يوم واحد ووقفت بعتولي رسالة تقول ان الرصيد انتها وانا داير في بالي ان التحيل بس بلفلوس .. قلت اكيد فية غلط مشيت لمركزهم وفهمتهم .. قالولي حتى التصفح بلفلوس ..
    يعني كانك شريت شفرة ليبيانا ب 335
    الملعونين الله يخيبهم راحت علي الفلوس
    شركة نصب واحتيال ……..شركة نصب واحتيال …..شركة نصب واحتيال ……شركة نصب واحتيال ……شركة نصب واحتيال ……شركة نصب واحتيال ……شركة نصب واحتيال ……شركة نصب واحتيال ……شركة نصب واحتيال ……شركة نصب واحتيال ……شركة نصب واحتيال ……

  8. في الدول الاخرى
    مش الدول المتطورة والله في السودان نفس النظام ب50 دينار ليبيات والتصفح مجاني والتحميل 20 قيقا
    وهدا مش قولت قايل

  9. انني على أمل أن تزيد ليبيانا من الحصة الشهرية بدل من 1 جيجابايت لانها فلست بيا

  10. لا اخي والله ماينفع حتى لو زادوها 20 قيقا
    الا كان خلو التففح مجاني زي واي مكس ودي اس ال

  11. والله اني اشتركت فيها علي اساس التصفح مجانا قلت الواحد يشدها اون لاين ومايحمل شي تمشي الامور شوي طلع حتي التصفح يحسبوا فيه يوم وفصلوه واني ضربت المودم تيرو نقعد نستني للشهر الجاي في القيقا ربي يعوض ان شاء الله وينتقم من شركة النصب والاحتيال اصلا احني الليبيين مساكين شوفو الدول التانية في النت والاتصالات بلاش

  12. السلام عليكم:
    أنا مند مدة قريبة اشتريت منتج) لبيانا نت / شخصي ( ولم اعلم انه لا تشتغل إلا على تغطية الجيل الثالث ونحن في هده المنطقة لا توجد لدينا هده التغطية ، حيث أنها مقتصرة على نطاق مدينة الخمس ، ولا توجد في مدينة مسلاته ، وفى النهاية نأمل منكم توفير التغطية لدينا للاستفادة من هدا المنتج ولكم جزيل الشكر

  13. الله عليكم يا شباب ليبيا انا من بنغازى اول مره ندخل على هذا الموقع امنورييييييييين بااااااااى

  14. انا حايراا نشرى ليبينا ماكس والا واى ماكس انافى ضواحى الزاويه بس التغطيه يقولو مش اوى مش عارفه ربى يهدى ونطورو شوى لنا ليبيا متبيش طور مجال النت والاتصالات هلبه انا كنت عيشا البرا ولله ياناس تتحسرو على حالتنا بلاد بها الغناء تغطيه نت باهيه مهناش اتى كيف بس نامل بدل المجهودات اكتر بلييييييز الناس تحضر فى الماستر والدكتوره من حواشها ع النت وحنى نقعدو نجرو لصالات النت باش نديروو حل على العموم مشكورين على ها المجهود اهو احسن من بلاش استودعكم الله الدى لا تضيع ودائعه

  15. أنا نتفق معاك في الرأي يامروة بلاد زي ليبيا والتغطية فيها زي الزفت….والله معاك حق أنا عشت في بودابست 5 سنين والله ياناس نين الواحد يكره روحه إحنا شن ناقصنا بش منكونوش زيهم وأحسن منهم حتى….لكن إن شالله ليبيا توا حتكون أفضل من أي وقت بفضل الله وبفضل شبابها طبعا….شكر خاص للبيانا…م.م.ي

  16. كلهم شركات نصابه والله .. شوفوا العالم ابدا من 20 قيقا وطالع وهنا 1 قيقا ويتشرطوا علينا كمشة نصابين يلقوه فى صحتهم اللى كانوا السبب قاعدين ينهبوا فى الفلوس ومش هامهم المواطن حتى لو كان زبون … الله يخرب بيوتهم ………………. خوكم راقيله متكنطى ,,من ليبيانا واااااااااااااااااااااااااااااااااااااااك اغبرنا

  17. وحق ربي الا عبيط اللي طلعنا هالمنتج تي اني شريته بي 335 وحاصلة فيه لتوا لا تغطية لا سرعة والرصيد لهط الله لا تربحكم يا الشركة التعبانة قبل ونقولو محمد ينصب علينا وتوا منو اللي ينصب حسبنا الله ونعم الوكيل فيكم فلوسكم كلها حرام في حرام يا نصاااااااابين

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s